ప్రచురణ తేదీ : Sep 12, 2018 5:17 PM IST

“అరవింద సమేత” నుంచి మరో మాస్ మసాలా లుక్ రాబోతుంది..!

యంగ్ టైగర్ ఎన్టీఆర్ హీరోగా మాటల మాంత్రికుడు త్రివిక్రమ్ దర్శకత్వం లో రాబోతున్న కొత్త చిత్రం “అరవింద సమేత వీర రాఘవ” ఇప్పటి వరకు కుటుంబ సమేతంగా చూడదగ్గ లేదా క్లాసీ ఎంటర్టైనెర్స్ తీసిన త్రివిక్రమ్ ఈ సారి మాత్రం మాస్ ప్రేక్షకుల ఆకలి తీర్చేలా ఉన్నాడు. రాయలసీమ నేపథ్యం లో తెరకెక్కుతున్న ఈ చిత్రం యొక్క టీజర్ ని చూస్తేనే ఆ సంగతి మనకి అర్ధం అవుతుంది.అసలే ఇప్పటికి అజ్ఞ్యాతవాసి చిత్రం పరాజయంతో త్రివిక్రమ్ డీలా పడ్డాడు ఈ సారి మాత్రం ఎట్టి పరిస్థుల్లోని హిట్ కొట్టాలని నిర్ణయించుకున్నట్టు ఉన్నాడు..

అయితే ఈ చిత్రం నుంచి మరో ఆసక్తికర వార్త ఒకటి ఆ చిత్ర నిర్మాణ సంస్థ అయినా హారికా హాసిని వారు వారి ట్విట్టర్ ద్వారా వ్యక్తపరిచారు. ఈ రోజు సాయంత్రం 5:40 నిమిషాలకు “ఎదో రాబోతుంది” అని వారు తెలియజేసారు. ఈ చిత్రం లో అసలే యంగ్ టైగర్ చాలా కఠోర శిక్షణ తీస్కొని ఆరు పలకల దేహాన్ని సొంతం చేసుకున్నాడు. దానితో ఆయన అభిమానుల ఆనందానికి అవధులు లేవు. ఈ రోజు సాయంత్రం కూడా దానికి సంబందొంచిన ఒక మాస్ మసాలా పోస్టర్ ని విడుదల చేస్తారు అన్నట్టు సమాచారం. ఇప్పటికే టీజర్ తో ఒక రేంజ్ లో అంచనాలను పెంచేశారు. దసరా కానుకగా రాబోతున్న ఈ చిత్రం ఎన్ని ప్రకంపనలు సృష్టిస్తుందో వేచి చూడాలి..

Comments