ప్రచురణ తేదీ : Mar 2, 2018 4:48 PM IST

పక్కింటి బాత్రూం లో రహస్య కెమెరా పెట్టిన యువకుడు అరెస్ట్!


నేటి నాగరిక ప్రపంచంలో మనిషి రకరకాల నూతన పోకడలు, ఆలోచనలతో ముందుకు దూసుకెళ్తున్నప్పటికీ మహిళలపట్ల వివక్ష, వారిపై లైంగిన దాడులు చేయాలనే ఆలోచన మాత్రం తగ్గడం లేదు. సభ్యసమాజం తలదించుకునేలా వికృత చేష్టలకు పాల్పడిన ఓ యువకుడు కటకటాలపాలయ్యాడు. వివరాల్లోకి వెళ్తే, బెంగళూరు బనశంకరి ప్రాంతంలోని మైకో లేఔట్ సార్వభౌమనగర్ లో ఉంటున్న జీవన్ అనే యువకుడు ఓ ప్రైవేట్ కంపెనీలో మార్కెటింగ్ ఉద్యోగం చేస్తూ జీవనం సాగిస్తున్నాడు.

తన పక్కింటివారి ఇంట్లో ఏమిజరుగుతుందో తెలుసుకోవాలనే తప్పుడు ఆలోచనతో వారి ఇంటి బాత్రూం రహస్య కెమెరాను అమర్చాడు. ఈ నేపథ్యంలో, బాత్ రూమ్ కు వెళ్లిన పక్కింటి మహిళ అక్కడ కెమెరా ఉన్నట్టు గుర్తించి, ఆ విషయాన్ని భర్తకు చెప్పింది. దీంతో, ఆయన పోలీసులకు ఈ విషయం గురించి ఫిర్యాదు చేశాడు. రంగంలోకి దిగిన పోలీసులు ఈ పనికి పాల్పడింది ఎవరు అని దానిపై విచారణ చేపట్టి చివరికి ఆ పని చేసింది జీవన్ అని గుర్తించి, అతడిని కటకటాల వెనక్కి పంపారు….

Comments