ప్రచురణ తేదీ : Jul 27, 2018 9:53 PM IST

100 కోట్లు.. 10 మంది డైరెక్ట‌ర్ల ప‌రిచ‌యం!


వెబ్ సిరీస్‌లు, టెలీ సిరీస్‌లు, ఫీచ‌ర్ సినిమాలు .. ప్లాట్‌ఫామ్ ఏదైనా యంగ్ డైరెక్ట‌ర్ల‌కు స‌ద‌వ‌కాశ‌మిది. స‌త్తా ఉంటే నెట్‌ఫ్లిక్స్, అమెజాన్‌, ఈరోస్ వంటి సంస్థ‌లు భారీ అవ‌కాశాలిస్తున్నాయి. ఇంత ట్యాలెంటు ఉంటే, అంత పెద్దగా దూసుకుపోయే ఛాన్సుందిక్క‌డ‌. ఇప్పుడు ఈ విభాగంలోకి టాలీవుడ్ స్టార్ రైట‌ర్ విజ‌యేంద్ర ప్ర‌సాద్ ప్ర‌వేశించారు. ఆయ‌న‌కు ఉన్న అపార విజ్ఞానంతో ఇప్ప‌టికే ప‌ది క‌థ‌లు రాశారు. ఆ క‌థ‌ల‌న్నిటి కోసం ప‌ది మంది డైరెక్ట‌ర్ల‌ను సెల‌క్ట్ చేశార‌ట‌. దీనికి పెట్టుబ‌డులు పెట్టేందుకు ప్ర‌ఖ్యాత ఈరోస్ ఇంట‌ర్నేషన‌ల్ సంస్థ ముందుకు వ‌చ్చింది.

ఈరోస్‌తో విజ‌యేంద్రుని బిగ్‌ డీల్ రీసెంటుగానే సెట్ట‌య్యింది. ఈ డీల్ విలువ దాదాపు 100 కోట్ల వ‌ర‌కూ ఉంటుంద‌ని చెబుతున్నారు. బాహుబ‌లి, భ‌జ‌రంగి భాయిజాన్ రైట‌ర్‌గా విజ‌యేంద్ర ప్ర‌సాద్‌కి ఉన్న డిమాండ్ మామూలుగా లేదు. అత‌డు ఏ క‌థ రెడీ చేసినా దానికి అంతే డిమాండ్ ఉంటోంది. ఈ ఊపులోనే ఆయ‌న ఓ ప‌ది క‌థ‌లు రాసుకుని, ఏకంగా 8-10 మంది ద‌ర్శ‌కుల‌ను ప‌రిచ‌యం చేస్తున్నార‌ట‌. అన్న‌ట్టు ఈ క‌థ‌ల్ని రాసేందుకు త‌మ్ముడు కాంచీని ఆయ‌న ప‌క్కాగా ఉప‌యోగించుకుంటున్నార‌ట‌.

Comments