ప్రచురణ తేదీ : Tue, Mar 20th, 2018

న్యూయార్క్ సినిమా పండ‌గ‌లో శ్రీ‌దేవి సంస్మ‌ర‌ణ‌

కేవ‌లం మూడు నెల‌ల వ్య‌వ‌థిలో ఇద్ద‌రు టాప్ స్టార్లు అంత‌ర్ధాన‌మ‌య్యారు. మేటి తార‌లు శ‌శిక‌పూర్‌, శ్రీ‌దేవి మ‌ర‌ణం అభిమానుల్ని శోక‌సంద్రంలో ముంచింది. శ‌శిక‌పూర్ గ‌త ఏడాది డిసెంబ‌ర్ 4న మ‌ర‌ణించ‌గా, ఫిబ్ర‌వ‌రిలో శ్రీ‌దేవి ఆక‌స్మికంగా మ‌ర‌ణించారు. ఈ ఇద్ద‌రూ పాన్ ఇండియా స్టార్లు. దేశ, విదేశాల్లో అసాధార‌ణ ఫ్యాన్ ఫాలోయింగ్ ఉన్న స్టార్లు. వీళ్లు న‌టించిన ప‌లు చిత్రాలు విదేశాల్లో చ‌క్క‌ని ఆద‌ర‌ణ సంపాదించాయి. అందుకే ఆ ఇద్ద‌రికీ న్యూయార్క్ ఫిలింఫెస్టివ‌ల్‌లో సంతాప సంస్మ‌ర‌ణ స‌భ జ‌ర‌గ‌నుందని తెలుస్తోంది.

శ‌శిక‌పూర్ న‌టించిన‌ షేక్‌స్పియ‌ర్ వాలా, హీట్ అండ్ డ‌స్ట్ చిత్రాల్ని, శ్రీ‌దేవి న‌టించిన `ఇంగ్లీష్ వింగ్లీష్‌` చిత్రాన్ని ఈ ఏడాది మే 7 నుంచి మే12 వ‌ర‌కూ ఐదు రోజుల పాటు సాగే న్యూయార్క్ ఇండియ‌న్ ఫిలింఫెస్టివ‌ల్‌లో ప్ర‌ద‌ర్శిస్తార‌ని తెలుస్తోంది. ఇక్క‌డే ఆ ఇద్దరికీ సంతాపం తెలియ‌జేసే అవ‌కాశం ఉంద‌ని వెల్ల‌డైంది.

Comments