ప్రచురణ తేదీ : Nov 10, 2016 11:09 AM IST

కబాలికి ధీటుగా సత్తా చూపిన మూడో సింగం !!

singam2
హీరో సూర్య నటిస్తున్న ”సింగం 3” సినిమా విడుదలకు ముందే సత్తా చాటేలా ఉంది. లేటెస్ట్ గా విడుదలైన ట్రైలర్స్ దుమ్ము లేపుతుంది? ఇప్పటికే విడుదలైన ‘సింగం’ రెండు భాగాలూ సూపర్ హిట్ అవ్వడంతో ఈ సినిమా పై భారీ అంచనాలు నెలకొల్పింది. ముఖ్యంగా మాస్ ప్రేక్షకులను ఆకట్టుకునే అంశాలు పుష్కలంగా ఉన్న ఈ సినిమా ట్రైలర్ రజని ‘కబాలి’ ట్రైలర్ తో గట్టి పోటీ పడింది. ట్రైలర్ విడుదలైన 24 గంటల్లోనే .. ఏకంగా 3 మిలియన్ క్లబ్ లో చేరింది. సూపర్ స్టార్ రజని కాంత్ నటించిన ‘కబాలి’ ట్రైలర్ కూడా విడుదలైన 24 గంటల్లో 3 మిలియన్స్ వ్యూ ని దాటేసి సంచలనం రేపింది. కబాలి తరువాత అంతటి క్రేజ్ తెచ్చుకున్న ఈ సినిమాకు అప్పుడే బిజినెస్ విషయంలో భారీ హైప్ క్రియేట్ అయిందట !! ఇప్పటికే బాక్స్ ఆఫీస్ వద్ద సంచలన విజయం సాధిస్తుందన్న నమ్మకంతో ఉన్నారు చిత్ర యూనిట్ సభ్యులు. ఇక తెలుగు, తమిళ భాషల్లో రూపొందుతున్న ఈ సినిమా డిసెంబర్ 19న విడుదల చేయనున్నారు.

Comments