ప్రచురణ తేదీ : Tue, Jan 24th, 2017

సూర్య‌కు ‘జ‌ల్లిక‌ట్టు’ దెబ్బ‌..సింగం 3 వాయిదా!!

singam3
సూర్య హీరోగా న‌టించిన ఎస్‌-3 ఎంతో ప్ర‌తిష్ఠాత్మ‌కంగా ఈనెల 26న రిలీజ్ చేయాల‌నుకున్నారు. ఇదే సినిమాని తెలుగులో య‌ముడు-3గా రిలీజ్ చేసేందుకు స‌న్నాహాలు చేస్తున్నారు. అయితే ఈలోగానే ఓ పెద్ద పంచ్ ప‌డింది. ఇప్ప‌టికే ప‌లుమార్లు రిలీజ్ వాయిదా ప‌డిన ఈ సినిమా చివ‌రి మూడు రోజుల ముందు అదే డైలెమ్మాలో కొనసాగుతోంది. జ‌న‌వ‌రి 26 రిలీజ్ అంటూ త‌మిళ పోస్ట‌ర్లు వేసేశారు. బోలెడంత ప్ర‌మోష‌న్ చేశారు. అంతెందుకు స్టూడియోగ్రీన్ సంస్థ అధికారిక ట్విట్ట‌ర్ పేజీలో రిలీజ్ యాడ్‌తో పోస్ట‌ర్ల‌ను వేసేశారు. కానీ చివ‌రి నిమిషంలో ఈ సినిమా వాయిదా ప‌డింది. మొత్తానికి త‌మిళ‌నాడు జ‌ల్లిక‌ట్టు కొట్టిన దెబ్బ సూర్య‌కు మామూలుగా ప‌డ‌లేదు. ఒకేసారి అటు త‌మిళ్‌, ఇటు తెలుగు రెండు చోట్లా రిలీజ్ బంద్ అయిపోయింది.

సూర్య , శ్రుతిహ‌స‌న్‌, అనుష్క నాయ‌కానాయిక‌లుగా నటిస్తున్న చిత్రం `S-3` (య‌ముడు-3 తెలుగు). ఈ చిత్రానికి హ‌రి ద‌ర్శ‌కుడు. ఈ చిత్రాన్నిస్టూడియో గ్రీన్‌ పతాకంపై కె.ఇ.జ్ఞానవేల్‌రాజా స‌గ‌ర్వంగా స‌మ‌ర్పిస్తూ తెలుగులో సురక్ష్ ఎంటర్‌టైన్‌మెంట్స్ అధినేత మల్కాపురం శివకుమార్‌ నిర్మిస్తున్నారు. హారిస్ జైరాజ్ సంగీతం అందించారు. అన్ని కార్య‌క్ర‌మాలు పూర్తిచేసి జ‌న‌వరి 26 న విడుద‌ల కావ‌ల‌సిన ఈ చిత్రం త‌మిళ‌నాట నెల‌కొన్న ప‌రిస్థితుల కార‌ణంగా విడుద‌ల వాయిదా వేస్తున్నారు. నిర్మాత‌ మల్కాపురం శివకుమార్ మాట్లాడుతూ.. త‌మిళ‌, తెలుగు బాష‌ల్లో ఈనెల 26 న విడుద‌ల కావ‌ల‌సిన `S3` (య‌ముడు-3) చిత్రం విడుద‌ల వాయిదా వేశాము. తెలుగు, త‌మిళ భాష‌ల్లో ఏక‌కాలంగా విడుద‌ల చేయ‌టానికి ప్లాన్ చేసిన ఈ చిత్రం ప్ర‌స్తుతం జ‌ల్లిక‌ట్టు నేప‌ధ్యంలో త‌మిళ‌నాట కొన‌సాగుతున్న ప‌రిస్థితుల్ని గ‌మ‌నించి, ఇది విడుద‌ల‌కి స‌రియైన స‌మ‌యం కాద‌ని త‌ల‌చి ఈ నిర్ణ‌యం తీసుకొవ‌టం జ‌రిగింది. డైర‌క్ట‌ర్ హ‌రి గారు , సూర్య గారి కాంబినేష‌న్ లో వ‌చ్చే చిత్రం కొసం తమిళ‌, తెలుగు ప్రేక్షుకులు ఏ విధంగా ఎదురుచూస్తుంటారో అంద‌రికి తెలుసు.. కాని ప‌లు కార‌ణాల వ‌ల‌న ఈ చిత్రం విడుద‌లని ఏప్ప‌టిక‌ప్ప‌డు వాయిదా వేసుకుంటూ వ‌స్తున్నాం. రెండు రాష్ట్రాల్లో అన్ని ప‌రిస్థితులు అనుకూలంగా వున్న టైంలో చిత్రాన్ని విడుద‌ల చేస్తాం. మా త‌దుప‌రి విడుద‌ల తేది ని అతిత్వ‌ర‌లో తెలియ‌జేస్తాం.. అని అన్నారు.

Comments