ప్రచురణ తేదీ : Jun 9, 2018 2:28 AM IST

కిలాడీ న‌న్ను వాడుకుని విసిరేసాడు!

కిలాడీ అక్ష‌య్ కుమార్ ట్వింకిల్ ఖ‌న్నాని పెళ్లాడి ఇద్ద‌రు బిడ్డ‌ల‌కు తండ్రి అయిన సంగ‌తి తెలిసిందే. అక్ష‌య్ కెరీర్ ఆరంభం ప‌లువురు క‌థానాయిక‌ల‌తో ప్రేమాయ‌ణం సాగించ‌డంపై బాలీవుడ్‌లో వాడి వేడిగా చ‌ర్చ సాగింది. అత‌డు కెరీర్ పీక్స్‌లో ఉండ‌గానే `ద‌డ్క‌న్` అనే చిత్రంలో న‌టించాడు. ఆ సినిమాలో శిల్పా శెట్టి క‌థానాయిక‌. ఆ సమ‌యంలో శిల్పా- అక్ష‌య్ ఒక‌రినొక‌రు ప్రేమించుకున్నారు. ఇక అక్కీ త‌న‌ను పెళ్లి చేసుకుంటాడ‌ని శిల్పా భావించింది. కానీ అక్కీ తెలివిగా శిల్పాకి చెక్ పెట్టాడు.

ట్వింకిల్ ఖన్నాతో ల‌వ్‌లో ప‌డి త‌న‌ని పెళ్లాడేశాడు. ఆ క్ర‌మంలోనే శిల్పా శెట్టి అత‌డి నుంచి దూరమైంది. వాస్త‌వానికి ద‌డ్క‌న్ షూటింగ్ మ‌ధ్య‌లో ఉండ‌గానే ఈ బ్రేక‌ప్ అయ్యింది. తాను ఏమాత్రం ఇబ్బంది పెట్ట‌ద‌లిచినా నిర్మాత‌ల ప‌ని అయిపోయేది. కానీ నా నిర్మాత‌ల్ని ఇబ్బంది పెట్ట‌డం ఇష్టం లేకే అక్ష‌య్‌తో క‌లిసి సినిమా పూర్త‌య్యే వ‌ర‌కూ న‌టించాల్సి వ‌చ్చింది. మ‌న‌సు క‌కావిక‌లం అయిపోయినా.. క‌మిట్‌మెంట్ కోసం ఆ సినిమా పూర్తి చేశానే కానీ, నాలో నేను లేను. అక్ష‌య్ న‌న్ను వాడుకుని విసిరేశాడు. ప్రేమ అంటే త్యాగం. అందుకే అత‌డిపై ప్రేమ‌తో ఏమీ చేయ‌కుండా వ‌దిలేశాను.. అని శిల్పా శెట్టి ఓ టీవీ చానెల్ లైవ్‌ ఇంట‌ర్వ్యూలో వ్యాఖ్యానించ‌డం సంచ‌ల‌న‌మైంది. శిల్పా శెట్టి ప్ర‌స్తుతం బాంబో డైయింగ్ వ‌స్త్ర వ్యాపారి రాజ్‌కుంద్రాని పెళ్లాడి ఓ మ‌గ‌బిడ్డ‌డికి జ‌న్మ‌నిచ్చిన సంగ‌తి తెలిసిందే.

Comments