ప్రచురణ తేదీ : Mon, Apr 9th, 2018

ఓవర్సీస్ లో ‘రంగస్థలం’ అద్భుత రికార్డు!

మెగా పవర్ స్టార్ రాంచరణ్ హీరోగా వెరైటీ చిత్రాల దర్శకులు సుకుమార్ దర్శకత్వం లో సమంత హీరోయిన్ గా ఇటీవల విడుదలయిన సినిమా రంగస్థలం. విడుదలయిన తొలిరోజు నుండే అన్ని చోట్ల సూపర్ హిట్ టాక్ దూసుకుపోతున్న ఈ సినిమా నేడు మరొక అద్భుత రికార్డు సొంతం చేసుకుంది. ఆంధ్ర, సీడెడ్, నైజాం అని తేడాలేకుండా విడుదలయిన ప్రతిచోటా ప్రజలు ఈ సినిమాకి బ్రహ్మరధం పడుతున్నారు. అయితే ఇప్పటివరకు ఓవర్సీస్ మార్కెట్లో నాన్ బాహుబలి రికార్డుగా వున్న శ్రీమంతుడు రికార్డును ఈ సినిమా అధిగమించి అద్భుత రికార్డు క్రియేట్ చేసింది.

విశ్లేషకుల నుండి అందిన సమాచారం ప్రకారం ఈ సినిమా ఇప్పటివరకు 2,891,210 డాలర్లు (రూ. 18 కోట్లు+) వసూలు చేసి సక్సెస్ఫుల్ గా దూసుకుపోతోంది. అయితే ఇదివరకు రికార్డుగా వున్న శ్రీమంతుడు 2,890,786 డాలర్లు (రూ.18 కోట్లు) సాధించింది. అక్కడ ఈ సినిమాకంటే ముందు బాహుబలి ది బిగినింగ్ 6,999,312 డాలర్లు (రూ.45 కోట్లు)తో రెండవ స్థానంలో ఉండగా, బాహుబలి ది కంక్లూజన్ 20,571,695 డాలర్లు (రూ.133 కోట్లు)తో నెంబర్ వన్ స్థానంలో వుంది…..

Comments