ప్రచురణ తేదీ : Sat, Apr 14th, 2018

వీడియో : ప్రియాంక కొత్త హాలీవుడ్ సినిమా ట్రైలర్ చూశారా..?

ప్రముఖ కథానాయిక ప్రియాంకా చోప్రా నటించిన రెండో హాలీవుడ్‌ సినిమా ‘ఎ కిడ్‌ లైక్‌ జాక్‌’. హాలీవుడ్‌ నటులు జిమ్‌ పార్సన్స్‌, క్లైరే డేన్స్‌ ప్రధాన తారాగణంగా కనిపించనున్నారు. వీరి స్నేహితురాలు అమల్‌ పాత్రలో ప్రియాంక అలరించనున్నారు. కాగా, ఈ సినిమా ట్రైలర్‌ను శుక్రవారం విడుదల చేశారు. ఇందులో ఆమె కేవలం మూడు సెకన్లు మాత్రమే కనిపించడంతో అభిమానులు నిరాశకు గురయ్యారు. అయితే ఆమె పాత్ర మాత్రం కథలో కీలకమని సమాచారం.

సిలాస్‌ హోవార్డ్‌ ఈ సినిమాకు దర్శకత్వం వహించారు. ఇప్పటికే ఈ చిత్రాన్ని జనవరిలో సన్‌డ్యాన్స్‌ ఫిల్మ్‌ ఫెస్టివల్‌లో ప్రదర్శించారు. నాలుగేళ్ల చిన్నారి జాక్‌ చుట్టూ ఈ సినిమా కథ సాగుతుంది. చిన్నారి ఆలోచనలు, స్వభావం ఆమె తల్లిదండ్రులకు సవాలుగా మారుతుంది. ప్రియాంక అమెరికన్‌ టీవీ సిరస్‌ ‘క్వాంటికో’తో అంతర్జాతీయంగా గుర్తింపు తెచ్చుకున్నారు. ఈ సిరీస్‌ మూడో సీజన్‌ త్వరలో ప్రారంభం కాబోతోంది. ఈ సిరీస్‌కు గానూ ఆమె రెండు పీపుల్‌ ఛాయిస్‌ అవార్డులు గెలుచుకున్నారు. 2017లో ‘బేవాచ్‌’ చిత్రంతో ప్రియాంక నటిగా హాలీవుడ్‌కు పరిచయం అయ్యారు.

Comments