ప్రచురణ తేదీ : Oct 1, 2018 10:29 AM IST

అత్యంత కీలక ఘట్టంలోకి అడుగుపెట్టిన ఎన్టీఆర్ బయోపిక్..!

అన్న నందమూరి తారక రామారావు బయోపిక్ గా తెరకెక్కుతున్న ఎన్టీఆర్ చిత్రం ఇప్పటి వరకు హైదరాబాద్ లోనే షూటింగ్ జరుపుకున్న విషయం తెలిసిందే. తాజాగా తదుపరి షెడ్యూల్ కోసం శ్రీకాకుళంలో ప్లాన్ చేశారట. ఈ నెల 4నుండి అక్కడ కొత్త షెడ్యూల్ మొదలు పెడతారట. క్రిష్ దర్శకత్వంలో తెరకెక్కుతున్న ఈ సినిమా తదుపరి షెడ్యూల్ శ్రీకాకుళంలోనే జరపడానికి ప్రత్యేక కారణం ఉందంటుంది యూనిట్ .. అదేమిటంటే ఎన్టీఆర్ పొలిటికల్ కెరీర్ లో అత్యంత కీలకమైన ఘట్టం .. చైతన్య రధ యాత్ర. ఈ ఎపిసోడ్ ని ప్రత్యేకంగా అక్కడే తీయాలని ఫిక్స్ అయ్యారు .. ఈ రధ యాత్ర శ్రీకాకుళం మొదలుకొని .. వైజాగ్, విజయనగరం, అన్నవరం, గుంటూరు జిల్లాలో ఈ యాత్రకు సంబందించిన సన్నివేశాలు తెరకెక్కిస్తారట. ఇప్పటికే మూడు షెడ్యూల్స్ పూర్తీ చేసుకున్న ఈ సినిమా నాలుగో షెడ్యూల్ ఇది. ఈ షెడ్యూల్ తో దాదాపు సినిమా పూర్తయినట్టే. మిగిలిన షూటింగ్ ని మళ్ళీ హైదరాబాద్ లో మొదలు పెట్టనున్నారు. వచ్చే సంక్రాంతి కానుకగా జనవరి 9న చిత్రాన్ని విడుదల చేయనున్నారు.

Comments