ప్రచురణ తేదీ : Tue, Mar 6th, 2018

టీజ‌ర్ టాక్‌ : ఈ గాలిప‌టం చూశాక‌ మ‌తిచెడుతుంది

ప‌తంగుల పండుగ‌ను అంత తేలిగ్గా మ‌ర్చిపోలేం. పిల్ల‌ల‌తో పోటీప‌డుతూ పెద్ద‌లు ప‌తంగులు ఎగుర‌వేస్తూ ఆద్యంతం ఆస్వాధిస్తారు. సంక్రాంతి పండ‌క్కి ప‌తంగులు ఎగుర‌వేయ‌డం పిల్ల‌ల‌కు హాబీ. గాల్లోకి లేచిన ప‌తంగు అంత‌కంత‌కు ఆకాశంలోకి వెళ్లిపోతుంది. గాలివాలుగా అది ఎగురుతుంటే ఎంతో ఆహ్లాదంగానూ ఉంటుంది ఆ దృశ్యం. అయితే ఒక్కోసారి దారం తెగి చెట్లు పుట్ట‌ల్లోకి వెళ్లిపోతుంది. మైదానంలో దొర‌క్కుండా ఎటో వెళ్లిపోతుంది. అప్పుడు వెతుక్కోవాల్సొస్తుంది. అయితే అలా వెతుక్కుంటూ వెళ్లిన పిల్లాడు మ‌ళ్లీ గాలి ప‌టం ఎగుర‌వేశాక ఏం విచిత్రం ఎదురైంది? అన్న‌ది ఇదిగో ఈ టీజ‌ర్‌లోనే చూడాలి. ప్ర‌ఖ్యాత డిస్నీ తెర‌కెక్కిస్తున్న `మేరి పాపిన్స్ రిట‌ర్న్స్‌` మూవీ టీజ‌ర్ ఇది. ఈ చిత్రం డిసెంబ‌ర్ 28న రిలీజ‌వుతోంది. టీజ‌ర్‌లో ఓ అంద‌మైన అనుభూతిని ఇస్తోంది. మేరి పాపిన్స్ పాత్ర ఇదివ‌ర‌కూ బంప‌ర్ హిట్‌. ఇప్పుడు మ‌ళ్లీ వ‌స్తోంది అదే పాత్ర‌. ఆకాశంలో ప‌తంగుతో పాటు భూమ్మీదికి దిగొచ్చిన ఆ పాత్ర ఏం చేసింద‌న్న‌ది తెర‌పై 3డిలో చూడాలి.

Comments