ప్రచురణ తేదీ : Thu, Sep 28th, 2017

రివ్యూలపై కౌంటర్ వేసిన మరో హీరో..

చాలా రోజుల తర్వాత మళ్లీ రివ్యూలా వివాదం తార స్థాయికి చేరుతోంది. హీరోలు సమీక్షలపై తీవ్ర స్థాయిలో అభ్యంతరాన్ని వ్యక్తం చేస్తున్నారు. డీజే సినిమా రిలీజ్ తర్వాత అల్లు అర్జున్ రివ్యూలపై ఏ స్థాయిలో స్పందించారో అందరికి తెలిసిన విషయమే ఆ తర్వాత చిత్ర దర్శక నిర్మాతలు కూడా కొన్ని కౌంటర్లు వేశారు. అయితే రీసెంట్ గా యంగ్ టైగర్ ఎన్టీఆర్ కూడా జై లవకుశ సక్సెస్ మీట్ లో సమీక్షలపై తనదైన శైలిలో స్పందించారు. ఉదాహరణతో సమీక్షలపై ఓ కౌంటర్ కూడా వేశారు.

అయితే ఇప్పుడు మంచి విష్ణు కూడా ఈ విషయంపై స్పందించారు.ఎంతో కష్టపడి తెరకెక్కిస్తున్న సినిమాలను ఏకాగ్రతతో చూడకుండా మూవీని చూస్తున్నపుడు అప్ డేట్స్ ద్వారా రివ్యూలు ఇస్తున్నారని తన ట్విట్టర్ అకౌంట్ ద్వారా పేర్కొన్నాడు. అంతే కాకుండా సినిమాను సరిగ్గా చూస్తే అసలైన సమీక్ష బయటకి వస్తుందని అభిప్రాయపడ్డారు. ఈ మధ్యా చాలా వరకు కొందరు అసలైన రివ్యూలను ఇవ్వలేదని చెబుతూ.. సినిమా చూస్తున్నప్పుడు ఎలాంటి అప్ డేట్స్ ఇవ్వకుంటే మంచిదని మంచి విష్ణు తెలిపాడు.

Comments