ప్రచురణ తేదీ : Sep 19, 2018 12:35 AM IST

మ‌హేష్ మ‌ల్టీప్లెక్స్ చూస్తే ఝ‌ల‌క్ తింటారు!

స్టార్లు, సూప‌ర్‌స్టార్లు, డైరెక్ట‌ర్లు, నిర్మాత‌లు .. భారీ ఆదాయం ఉన్న సినీసెల‌బ్రిటీలు ర‌క‌ర‌కాల బిజినెస్‌ల‌లో పెట్టుబ‌డులు పెట్ట‌డం చూస్తున్నాం. సూప‌ర్‌స్టార్ మ‌హేష్ ప్ర‌స్తుతం తెలుగు రాష్ట్రాల్లో మ‌ల్టీప్లెక్స్ బిజినెస్‌పై దృష్టి సారించార‌ని తెలుస్తోంది. ఇందుకు అధికారికంగా ఏ విధ‌మైన ప్ర‌క‌ట‌నా లేకపోయ‌నా చ‌డీ చ‌ప్పుడు లేకుండా ప‌నులు చ‌క్క‌బెట్టేయ‌డం చ‌ర్చ‌కొచ్చింది.

తొలిగా హైదరాబాద్ గచ్చిబౌలిలో ఓ భారీ మ‌ల్టీప్లెక్స్ నిర్మాణం ప్రారంభించారు. దీని పేరు AMB సినిమాస్. ఈ మ‌ల్టీప్లెక్స్ చైన్ వ్యాపారాన్ని ఏషియ‌న్ సినిమా అధినేత‌ సునీల్ నారంగ్ తో క‌లిసి మ‌హేష్ ప్లాన్ చేశార‌ని తెలుస్తోంది. ఇప్ప‌టికే గచ్చిబౌలి నుండి కొత్తగూడ క్రాస్ రోడ్ కు వచ్చేదారిలో మెయిన్ రోడ్ పై ఓ భారీ భ‌వంతిలో మ‌ల్టీప్లెక్స్ నిర్మాణం సాగుతోంది. అల్ట్రా మోడ్ర‌న్ ఫెసిలిటీస్‌తో ఈ మ‌ల్టీప్లెక్స్ అద‌ర‌గొట్టేస్తుందిట‌. ఇప్ప‌టికే కొన్ని ఫోటోలు లీక‌య్యాయి. ఇక‌పోతే ఈ మ‌ల్టీప్లెక్స్‌ని 2019లో ఘ‌నంగాప ప్రారంభించ‌నున్నార‌ని తెలుస్తోంది. త‌దుప‌రి ఇరు తెలుగు రాష్ట్రాల్లో ప‌లు న‌గ‌రాల్లో మ‌ల్టీప్లెక్సుల విస్త‌ర‌ణ చేప‌డ‌తార‌ని తెలుస్తోంది. ఇక ఈ రంగంలో రామ్‌చ‌ర‌ణ్‌, ప్ర‌భాస్ లాంటి స్టార్లు పెట్టుబ‌డులు పెట్ట‌నున్నార‌ని ఇదివ‌ర‌కూ ప్ర‌చార‌మైంది.

Comments