ప్రచురణ తేదీ : Wed, Mar 7th, 2018

ప్రేమ ఓకే, మరి పెళ్ళెప్పుడు నయన్?

ప్రముఖ నటి నయనతార, తమిళ దర్శకుడు విగ్నేష్ శివం కు మధ్య ప్రేమాయణం జరుగుతుందని, వారిద్దరూ చెట్టపట్టాలు వేసుకుని తిరుగుతున్నారని అప్పట్లో చాలానే పుకార్లు వచ్చాయి. అయితే ఒకప్పుడు డాన్సర్, నటుడు అయినా ప్రభుదేవాతో ప్రేమాయణం సాగించిన నయన్ ఆ తరువాత కొన్ని కారణాలవల్ల ఆయనతో కలిసి ఉండలేనని తేల్చి చెప్పిన విషయం తెలిసిందే. అయితే ఇప్పటికే పలు దేశాలు చుట్టేస్తున్న ఈ జంట, మొన్న అమెరికా వెళ్లారు. తన ప్రియుడు విఘ్నేష్ పుట్టినరోజును ప్రత్యేకంగా లాస్ ఏంజెల్స్ లో తన సొంత ఖర్చుతో సెలబ్రేట్ చేసిందట నయన్.

ఆ పుట్టినరోజును వాళ్లిద్దరే ఎక్స్ క్లూజివ్ గా జరుపుకున్నారు. మళ్లీ షార్ట్ గ్యాప్ లో మరోసారి అమెరికా చుట్టొచ్చింది ఈ హాట్ జంట. ఈసారి కూడా వీళ్లిద్దరే వెళ్లారు. నాలుగురోజుల పాటు సరదాగా అలా గడిపి వచ్చిన ఈ జంట, తమ మధ్య ఉన్న బంధాన్ని వీళ్లు సీక్రెట్ గా ఉంచి లేనిపోని ఊహాగానాలకు తావివ్వడం ఇష్టం లేక సోషల్ మీడియా వేదికగా తమ అనుబంధాన్ని ఎప్పటికప్పుడు బయటపెడుతూనే ఉంది.

అయితే ఆ అమెరికా ట్రిప్ ఫోటోలను విగ్నేష్ సోషల్ మిడియా లో పోస్ట్ చేశారు. మాకు అమెరికా లోచాలా చక్కటి అనుభవాలు దక్కాయి, ప్రామిస్ మరోసారి కచ్చితంగా వస్తాం. బై, బై అమెరిక అంటూ ఒక ట్వీట్ కూడా చేశాడు. ప్రస్తుతం ఈ ఫొటోలు సోషల్ మీడియాలో హల్ చల్ చేస్తున్నాయి. అయితే వీళ్లిద్దరు ప్రేమలో ఉన్నారనేది తేటతెల్లం అయింది. కాకపోతే ఎప్పుడు పెళ్లి చేసుకుంటారనే విషయంపై మాత్రం వీళ్లలో ఎవరూ క్లారిటీ ఇవ్వట్లేదు. అయితే ఈ విషయమై ఇప్పటివరకు అధికారికంగా నయనతార స్పందించని విషయం తెలిసిందే.

కాగా ఆ మధ్య గ్యాంగ్ మూవీ ప్రమోషన్ లో విఘ్నేష్ ను మీడియా మీకు నయన్ కు మధ్య వున్నా రిలేషన్ షిప్ గురించి చెప్పమంటే, ప్రస్తుతానికి ఈ విషయమై తను స్పందించనని కావాలంటే నయన్ నే అడగమని చెప్పడం జరిగింది….

Comments