ప్రచురణ తేదీ : Fri, Jan 26th, 2018

భామ‌లు కాస్ట్‌లీ : అమ‌లాపాల్ బెంజి .. కృతిస‌న‌న్‌ ఆడి క్యూ 7!

అందాల క‌థానాయిక‌లు ఖ‌రీదైన కార్లు కొనుక్కుని ఎవ‌రికి వారు కానుక‌లిచ్చుకుంటున్నారు. సోనాక్షి, సోన‌మ్ లాంటి స్టార్లు తండ్రుల‌కు కానుక‌లిస్తే.. అందుకు భిన్నంగా అమ‌లాపాల్‌, కృతి స‌నోన్ లాంటి నాయిక‌లు త‌మ‌కు తామే గిఫ్టులిచ్చుకుని ఆశ్చ‌ర్య‌ప‌రుస్తున్నారు. అమ‌లాపాల్ మాట‌కొస్తే .. ఈ అమ్మ‌డు ఇటీవ‌లే అత్యంత ఖ‌రీదైన బెంజ్ కార్ కొనుక్కున్న సంగ‌తి తెలిసిందే. ప‌న్ను ఎగ్గొట్టేందుకు కేంద్ర పాలిత ప్రాంతానికి వెళ్లి కార్ కొనుక్కుంది. ఏకంగా 20ల‌క్ష‌ల మేర ప‌న్ను ఎగ్గొట్ట‌డంతో ఆ గొడ‌వ కోర్టు గ‌డ‌ప వ‌ర‌కూ వెళ్లింది. ప్ర‌స్తుతం ఈ కేసు విచార‌ణ‌లోనే ఉంది.

ఇదిలా ఉంటే.. తాజాగా 1 – నేనొక్క‌డినే, దోచేయ్ చిత్రాల క‌థానాయిక కృతి స‌నోన్ అదిరిపోయే ఆడి కార్ కొనుక్కుని త‌న‌కు తాను కానుకిచ్చుకుంది. ఆడి క్యూ7 బ్రాండ్ కార్ కీస్ అందుకుంటూ ఆడి షోరూమ్ ముందు కృతి ఇచ్చిన ఫోజు ప్ర‌స్తుతం హాట్ టాపిక్ అయ్యింది. ఈ ఫోటోలు సామాజిక మాధ్య‌మంలో వైర‌ల్‌గా మారాయి. ఇక‌పోతే అమ‌లాపాల్ త‌ర‌హాలో కృతి ప‌న్ను ఎగ్గొట్టింది అన్న గొడ‌వైతే లేదు. ఈ భామ ప్ర‌స్తుతం దిల్జీత్ దోసాంగి స‌ర‌స‌న ఓ సినిమా లో న‌టిస్తున్న సంగ‌తి తెలిసిందే. విశాల్ భ‌ర‌ద్వాజ్ సార‌థ్యంలో వేరొక చిత్రంలోనూ న‌టించేందుకు సిద్ధ‌మ‌వుతోందిట‌.

Comments