ప్రచురణ తేదీ : Mar 14, 2018 10:37 AM IST

ఆ దర్శకుడికి మరో అవకాశం ఇచ్చిన చరణ్ ?

తన మనసుకు నచ్చిన కథలతో సినిమాలు తీసే దర్శకులతో మరోసారి పనిచేసేందుకు పలువురు హీరోలు రెడీ అవుతున్నారు. ఇప్పటికే అలాంటి క్రేజీ కాంబినేషన్లో కొన్ని సినిమాలు కూడా వచ్చాయి. తాజాగా రామ్ చరణ్ కూడా అలాంటి అవకాశమే ఇచ్చాడట దర్శకుడు సుకుమార్ కు ? ప్రస్తుతం రామ్ చరణ్ తో రంగస్థలం సినిమా తీస్తున్న సుకుమార్, ఈ సినిమాలో చరణ్ ను కొత్త లుక్ లో చూపిస్తున్నాడు. ఇప్పటికే రంగస్థలం సినిమా పై భారీ అంచనాలు నెలకొన్నాయి. 1985 నేపథ్యంలో కథతో తెరకెక్కుతున్న ఈ సినిమా ఈ నెల 30 న విడుదల కానుంది. అయితే రంగస్థలం సినిమా సమయంలో సుకుమార్ తో ఏర్పడిన ఫ్రెండ్షిపి .. అయన టాలెంట్ కు నచ్చిన చరణ్ వెంటనే మరో సినిమా కలిసి చేద్దామని చెప్పాడట ? చెప్పడమే కాదు అడ్వాన్స్ కూడా ఇచ్చాడని టాక్. రామ్ చరణ్ నిర్మాతగా మారి కొణిదల ప్రొడక్షన్స్ బ్యానర్ పై సినిమాలు తీస్తున్న విషయం తెలిసిందే. ప్రస్తుతం మెగాస్టార్ తో సైరా చేస్తున్న చరణ్ ఈ బ్యానర్ లో నెక్స్ట్ సినిమా సుకుమార్ తోనే ఉంటుందని చెప్పాడట. అయితే సుకుమార్ మాత్రం సినిమా చేయడానికి ఇంకా కాస్త టైం పడుతుందని చెప్పినట్టు టాక్. అయితే సుకుమార్ తో చిరంజీవి తో ఓ సినిమా తీయించే ఆలోచనలో కూడా ఉన్నాడట చరణ్.

Comments