ప్రచురణ తేదీ : Jan 21, 2017 1:26 PM IST

కూతురు ప్రేమకథను .. తండ్రి చెబుతాడట !!

arjun
సౌత్ లో హీరోగా మంచి ఇమేజ్ తెచ్చుకున్న యాక్షన్ కింగ్ అర్జున్ .. ఇప్పుడు సపోర్టింగ్ రోల్స్ తో పాటు మరో వైపు విలన్ పాత్రలు చేస్తూ బిజీగా మారాడు. అలాగే అప్పుడప్పుడు దర్శకత్వం చేస్తూ ఆ విభాగంలో కూడా తన టాలెంట్ నిలుపుకున్నాడు. ఇక హీరోగా కెరీర్ క్రేజ్ తగ్గడంతో సపోర్టింగ్ రోల్ పోషిస్తూ రీ ఎంట్రీ ఇచ్చిన అయన ఇప్పుడు మరోసారి దర్శకత్వం వహించేందుకు సన్నాహాలు చేస్తున్నాడు. అయితే ఈ సారి యాక్షన్ సినిమాతో కాకుండా మంచి ప్రేమకథతో సినిమా చేస్తున్నాడు. ఇందులో మరో విశేషం ఉంది .. అదేమిటో తెలుసా ! ఈ సినిమాలో హీరోయిన్ గా అర్జున్ కూతురు ఐశ్వర్య నటిస్తుందట !! మొత్తానికి కూతురి ప్రేమకథను తండ్రి రూపొందించడంతో ఈ ప్రాజెక్ట్ పై అప్పుడే ఆసక్తి నెలకొంది. అర్జున్ కూతురు ఐశ్వర్య హీరోయిన్ గా ఇంతకుముందే కోలీవుడ్ లో ఎంట్రీ ఇచ్చింది కానీ, ఆమెకు కమర్షియల్ గా సరైన సక్సెస్ దక్కలేదు. దాంతో పెద్దగా అవకాశాలు కూడా రాలేదు. ఆమెకు ఓ మంచి కమర్షియల్ హిట్ ఇవ్వాలని ఆమె తండ్రి అర్జున్ ప్లాన్ చేస్తున్నాడు. అన్నట్టు ఈ సినిమాలో హీరోగా కన్నడ నటుడు చేతన్ కుమార్ హీరోగా కనిపిస్తాడట, మరి రొమాంటిక్ సన్నివేశాలను తన కూతురితో అర్జున్ ఎలా డీల్ చేస్తాడో చూడాలి.

Comments