ప్రచురణ తేదీ : Sep 16, 2018 6:44 PM IST

మరో అరుదైన రికార్డు సొంతం చేసుకున్న రంగస్థలం..!

మెగా పవర్ స్టార్ రామ్ చరణ్ హీరోగా సమంత హీరొయిన్ గా ఆది పినిశెట్టి ప్రధాన పాత్రలో విలక్షణమైన దర్శకుడు సుకుమార్ 1980వ దశకంలో ఉండే పల్లెటూరు నేపధ్యంలో తెరకెక్కిన అద్భుత చిత్రం “రంగస్థలం”. ఈ చిత్రం విడుదల అయ్యి ఎన్ని బాక్సాఫీస్ రికార్డులను కొల్లగొట్టిందో ప్రత్యేకంగా చెప్పనక్కరలేదు. కొన్ని కొన్ని ప్రదేశాల్లో బాహుబలి2 పేరిట ఉన్నరికారులను కూడా ఈ చిత్రం బద్దలు కొట్టేసేంది.దీన్ని బట్టి అర్ధం చేసుకోవచ్చు ఒక సరైన విజయం అందితే సిట్టిబాబు ప్రభంజనం ఎలా ఉంటుందో తెలియజేయడానికి.

అయితే ఇప్పుడు ఈ చిత్రం మరో అరుదైన రికార్డును తన ఖాతాలో వేసుకుంది. ఈ చిత్రానికి సంబందించిన వీడియో పాటలను యూట్యూబ్ లో విడుదల చేసిన సంగతి తెలిసినదే.ఈ చిత్రంలోని “రంగమ్మ మంగమ్మ” పాటకు మాత్రం ప్రేక్షక ఆదరణ మాత్రం వేరే అని చెప్పాలి.ఎందుకంటే ఈ పాటకి వచ్చిన వీక్షకుల సంఖ్యయే దీనికి నిదర్శనం. ఇప్పటి వరకు ఈ పాటను యూట్యూబ్ లో దాదాపు 10 కోట్ల మంది వీక్షించారు. ఇంత తక్కువ సమయంలో ఇది ఒక రికార్డే అని చెప్పాలి. అంతే కాదు ఈ పాత యొక్క లిరికల్ వీడియోకి కూడా ఇదే స్థాయిలో వ్యూస్ వచ్చాయి. మొత్తానికి మన సిట్టిబాబు, రామలక్ష్మిల ఖాతాలో మరో రికార్డును వేసేసుకున్నారు.

Comments