ప్రచురణ తేదీ : Sun, Apr 29th, 2018

మలయాళ రీమేక్ తో వస్తున్న మెగా హీరో?

స్లో అండ్ స్టడీ గా సినిమాలు చేస్తున్న మెగా హీరో అల్లు శిరీష్ ఎన్నో ఆశలు పెట్టుకున్న ఒక్కక్షణం సినిమా ఆశించిన స్థాయిలో సక్సెస్ అందుకోలేకపోయింది. సైంటిఫిక్ థ్రిల్లర్ గా వి ఐ ఆనంద్ తెరకెక్కించిన ఈ సినిమా విడుదలకు ముందు భారీ అంచనాలు పెంచుకుంది .. కానీ విడుదల తరువాత పరిస్థితి మారింది. ఇక ఈ సారి ఎలాగైనా మంచి విజయం అందుకోవాలని ఆలోచనలో ఉన్న శిరీష్ కాస్త బ్రేక్ తీసుకుని స్ట్రైట్ సబ్జెక్టు కాకుండా ఓ సూపర్ హిట్ రీమేక్ సినిమాతో వస్తున్నాడు. మలయాళంలో దుల్కర్ సల్మాన్ హీరోగా నటించిన ఎబిసిడి సినిమా సూపర్ హిట్ అయింది. ఆ సినిమాతో దుల్కర్ సల్మాన్ కు ఒక్కసారిగా క్రేజ్ పెరిగింది. దాంతో ఎబిసిడి సినిమాను రీమేక్ చేస్తున్నాడు. ఈ సినిమా ద్వారా సంజీవ్ రెడ్డి దర్శకుడిగా పరిచయం అవుతున్నాడు. ఈ నెల 30 న అంటే రేపు ఈ సినిమా ప్రారంభం కానుంది. జూన్ నుండి రెగ్యులర్ షూటింగ్ జరుపనున్నారు. ఈ చిత్రాన్ని మధుర శ్రీధర్, యాష్ రంగినేని నిర్మిస్తున్నారు.

Comments