ప్రచురణ తేదీ : Fri, Jun 8th, 2018

అదితీరావ్‌కి ఈసారైనా క‌లిసొస్తుందా?

అన్నీ ఉన్నా అల్లుడి నోట్ల శ‌ని! అన్న చందంగా ఉందీ అమ్మ‌డి ప‌రిస్థితి. అందానికి అందం.. అభిన‌యం అన్నీ ఉన్నా అదితీరావ్ హైద‌రీకి ఏదీ క‌లిసి రావ‌డం లేదు. 600 కోట్ల క్ల‌బ్ సినిమా ప‌ద్మావ‌త్ 3డిలో న‌టించినా ఈ భామ‌కు గుర్తింపు రాలేదు. మొత్తం క్రెడిట్ అంతా దీపిక ఖాతాలోకే వెళ్లింది. ఆ క్ర‌మంలోనే సౌత్‌లో ప‌లు చిత్రాల‌కు సంత‌కాలు చేసింది అదితీ. నైజాం వార‌స‌త్వంతో ట‌బు త‌ర‌వాత అంత‌టి ఛ‌రిష్మా ఉన్న నాయిక‌గా .. ఇంకా చెప్పాలంటే ట‌బు వార‌సురాలిగా ఈ భామ ఇటు సౌత్‌లో వెలుగులు ప్ర‌స‌రించాల‌నుకుంటోంది. అయితే అందుకు ఆరంభ‌మే అడ్డు త‌గిలింది. ద‌ర్శ‌క‌మ‌ణి మ‌ణిర‌త్నం అంత‌టివాడే హిట్టివ్వ‌లేక‌పోయాడు. ఆరంగేట్ర‌మే `చెలియా` డిజాస్ట‌ర్ రిజ‌ల్ట్ తో మిగ‌తా అంద‌రి కంటే అదితీకే పెద్ద దెబ్బ త‌గిలింది. లేదంటే ఈ అమ్మ‌డిని పెద్ద స్టార్లే అవ‌కాశాలిచ్చేవారేమో! ఆ క్ర‌మంలోనే తెలుగులో సీరియ‌స్‌గానే ప్ర‌య‌త్నాలు చేస్తోంది. ఈనెల 15న ఈ భామ న‌టించిన‌ `స‌మ్మోహ‌నం` రిలీజ‌వుతోంది. సుధీర్‌బాబు ఈ చిత్రంలో క‌థానాయ‌కుడు. ఇంద్ర‌గంటి ద‌ర్శ‌క‌త్వం వ‌హించారు అయితే ఈ సినిమా ప్ర‌చారం ప‌రంగా టూ వీక్‌. ట్రైల‌ర్ బావుంద‌ని టాక్ వినిపించినా స‌రైన ప్ర‌చారం లేక ఈ సినిమా గురించి బ‌య‌ట తెలిసే ప‌రిస్థితే లేదు. మొత్తానికి అదితీరావ్ క్యాలిబ‌ర్‌కి త‌గ్గ సినిమా ఇంకా ప‌డ‌లేద‌నే చెప్పాలి. అటు టాలీవుడ్‌లో ఉన్న అర‌డ‌జ‌ను స్టార్ హీరోల క‌ళ్లు ఇంకా అదితీపై ప్ర‌స‌రించ‌క‌పోవ‌డం అన్న‌ది పెద్ద మైన‌స్ అనే చెప్పాలి.

Comments