ప్రచురణ తేదీ : Sep 25, 2018 7:49 PM IST

అరవింద సమేత పాటలన్ని 04:50కే విడుదల చేయడంలో ఉన్న సీక్రెట్ ఏంటి?

యంగ్ టైగర్ ఎన్టీఆర్, పూజ హెగ్డే హీరో హీరోయిన్లుగా మాటల మాంత్రికుడు త్రివిక్రమ్ రాయలసీమ నేపధ్యంలో పక్కా మాస్ ఎంటర్టైనర్ గా తెరకెక్కుతున్న చిత్రం “అరవింద సమేత వీర రాఘవ”.ఈ చిత్రం యొక్క టీజర్ నుంచి పాటలు వరకు ఏ ఒక్క అంశంలో కూడా ప్రేక్షకులను నిరాశపరచలేదు.అయితే చిత్రంకి సంబంధించిన పాటల విడుదల విషయాన్ని గమనించినట్లయితే ఒక ఆసక్తికరమైన అంశాన్ని మనం గుర్తించవచ్చు.

ఈ చిత్రం యొక్క పాటలన్ని విడుడలయ్యి ఇటీవలే ప్రేక్షకుల మన్ననలు పొందుతున్నాయి.అయితే మీరు ఈ పాటల యొక్క విడుదల సమయాన్ని పరిశీలించినట్లయితే ప్రతీ ఒక్క పాట కూడా 4 గంటల 50 నిమిషాలకే విడుదల చేస్తున్నారు.ఒక్కక్క పాటనే కాకుండా మొత్తం అన్ని పాటలను కూడా అదే సమయానికి విడుదల చేశారు.అనగనగా ఒక్క పాటని మాత్రం 4గంటల 5 నిమిషాలకు విడుదల చేశారు.

మనం ఈ అంకెలను సరిగ్గా గమనించినట్లయితే ఈ 4 మరియు 5 లను కలిపితే 9 వస్తుంది.మన యంగ్ టైగర్ ఎన్టీఆర్ యొక్క అదృష్ట సంఖ్య కూడా తొమ్మిదే.దీనిని దృష్టిలో పెట్టుకొని పాటలు విడుదల చేస్తున్నారా అన్న సందేహం మీకు కూడా వచ్చిందా?తారక్ యొక్క కార్ నంబరును చూసుకున్నా, తన ట్విట్టర్ అకౌంటు చూసినా సరే ఈ అంకె మనకు దర్శనమిస్తుంది.ఈ పాటల విడుదలకు ఇది కూడా ఒక కారణం కావచ్చు..అంతెందుకు ఈ రోజు విడుదల చెయ్యబోతున్న “ఏడ పోయినాడో” లిరికల్ పాట కూడా 04:50 నిమిషాలకే విడుదల కాబోతుంది.మరి నేరుగా 9 గంటలకే విడుదల చేయొచ్చుగా అంటే అలా చేస్తే వారి యొక్క కిటుకుకి ప్రత్యేకత ఏమి ఉంటుంది?

Comments