ప్రచురణ తేదీ : May 19, 2018 2:34 AM IST

జ‌పాన్‌లో బాహుబ‌లి కామిక్ సిరీస్‌


ప్రపంచ‌వ్యాప్తంగా బాహుబ‌లి సిరీస్ బంప‌ర్ హిట్ కొట్టింది. చైనాలో బాక్సాఫీస్ రిపోర్ట్ ఆశించినంత లేక‌పోయినా ఒక తెలుగు సినిమా అక్క‌డ‌ 100కోట్ల వ‌సూళ్లు సాధించ‌డం అన్నది ఆషామాషీ వ్య‌వ‌హారం కానేకాదు. చైనాకు పూర్తి ఆపోజిట్‌గా జ‌పాన్‌లో మాత్రం బాహుబ‌లి-2 సంచ‌ల‌న విజ‌యం సాధించింది. అక్క‌డ బాహుబ‌లి పాత్ర‌ల్ని జ‌ప‌నీయులు ఓ రేంజులో వోన్ చేసుకున్నారు. సినిమాని పిచ్చిగా అభిమానించారు. ప‌లు అంత‌ర్జాతీయ ప‌త్రిక‌ల్లో జ‌ప‌నీలు రాసిన స‌మీక్ష‌లు మ‌న తెలుగువారి గొప్ప‌త‌నాన్ని ప్ర‌శంసిస్తూ మెప్పుకోలు త‌నాన్ని ఆవిష్క‌రించాయి. ఇక సామాజిక మాధ్య‌మాల్లో అయితే అభిమానులు పిచ్చిగా ఈ సినిమా గురించి ప్ర‌మోట్ చేశారు.

అందుకే జ‌ప‌నీ మార్కెట్లోంచి ఇంకా ఇంకా డ‌బ్బు రాబ‌ట్టే ప‌నిలో ఉంది ఆర్కా సంస్థ. జ‌పాన్‌లో కామిక్ బుక్ సిరీస్‌ని లాంచ్ చేసేందుకు ఓ ప్ర‌ముఖ జ‌ప‌నీ కంపెనీతో ఆర్కా సంస్థ ఒప్పందం చేసుకుందని తెలుస్తోంది. బాహుబ‌లిలోని పాత్ర‌ల‌తో అద్భుత‌మైన కామిక్స్ రోల్స్‌ని డిజైన్ చేశార‌ట‌. ఈ సంద‌ర్భంగా రాజ‌మౌళి మాట్లాడుతూ ఎంతో ఆనందం వ్య‌క్తం చేశారు. త‌న‌ని ఎంతో ఇన్‌స్ప‌యిర్ చేసిన కామిక్ క్యారెక్ట‌ర్స్‌.. ఫిలింమేక‌ర్‌గా ఎదిగేందుకు స‌హ‌క‌రించాయి. ఇప్పుడు బాహుబ‌లి పాత్ర‌ల్ని కామిక్ బుక్‌గా అచ్చు వేయ‌డం ఆనందాన్నిస్తోంద‌ని అన్నారు.

Comments