ప్రచురణ తేదీ : Apr 4, 2018 11:29 PM IST

క‌శ్మీర్ ఉగ్ర‌వాదం, యూరి ఎటాక్స్‌పై మూవీ..

క‌శ్మీర్ తీవ్ర‌వాదంపైనా, పాక్ ముష్క‌ర ఉగ్ర‌వాద‌పైనా బోలెడ‌న్ని సినిమాలొచ్చాయి. బోర్డ‌ర్ దాటి ప్ర‌వేశించే ముష్క‌రులు నిత్యం ఎంద‌రో అమాయ‌కుల్ని బ‌లి పెడుతుంటారు. భార‌త జావ‌న్ల‌పైనా ముష్క‌ర దాడుల గురించి నిత్యం వింటూనే ఉన్నాం. అయితే ఈ త‌ర‌హా దాడులు ఇదివ‌ర‌కూ అత్యంత పాశ‌విక స‌న్నివేశాన్ని త‌ల‌పించ‌డం సంచ‌ల‌న‌మైంది. క‌శ్మీర్ -యూరి సెక్టార్‌లో ఉగ్రదాడి ప్ర‌కంప‌నాలు అంత తేలిగ్గా మ‌ర్చిపోలేం. భార‌త స‌రిహ‌ద్దు దాటి వ‌చ్చి మరీ పాక్ ఉగ్రమూకలు 12వ ఇన్ ఫ్రాంటీ బ్రిగేడ్ హెడ్ క్వార్టర్స్ పై దాడికి పాల్ప‌డ్డాయి. 19మంది భార‌తీయ జవాన్లను అన్యాయంగా పొట్టుపెట్టుకున్నారు. అంతర్జాతీయంగా ఈ దాడుల‌కు పాల్ప‌డ్డ పాక్ ముష్క‌రుల్ని దుయ్య‌బ‌ట్టినా, అస‌లు త‌మ‌కే సంబంధం లేద‌ని పాకిస్తాన్ వాదించింది.

ఇలాంటి కీల‌క ఘ‌ట‌న ఇతివృత్తంగా ప్ర‌స్తుతం ఇర్ఫాన్ ఖాన్ ప్ర‌ధాన పాత్ర‌లో సినిమా తెర‌కెక్కించేందుకు స‌న్నాహాలు సాగుతున్నాయి. ఇర్ఫాన్‌ఖాన్‌, కీర్తి కుల్హారీ త‌దిత‌రులు న‌టిస్తున్న ఈ చిత్రానికి ఆదిత్య ధ‌ర్ ద‌ర్శ‌క‌త్వం వ‌హిస్తున్నారు. రోనీ స్క్రూవాలా నిర్మిస్తున్నారు. ఈ సినిమా కోసం న‌టీన‌టులు శిక్ష‌ణ కూడా తీసుకుంటున్నారు. మంచు కొండ‌ల్లో హెలీకాఫ్ట‌ర్ ఛేజ్‌లు, గ‌న్ ఫైరింగ్ వంటి వాటిలో ట్రైనింగ్ తీసుకుంటున్నానని కీర్తి తెలిపారు.

Comments