ప్రచురణ తేదీ : Wed, Aug 9th, 2017

ఆ ఇద్దరు సినిమా వారినీ అరస్ట్ చేసి తీరతాం అంటున్న సిట్ !

సినీ ప్రముఖులతో పాటు.. పలువురి అనుమానితుల్ని విచారించిన సిట్ అధికారులు.. తమ విచారణ మొత్తాన్ని వీడియోలో చిత్రీకరించినట్లుగా చెబుతున్నారు. ఈ నేపథ్యంలో పలువురు సినీ ప్రముఖులు ఇద్దరి పేర్లను కామన్ గా చెప్పినట్లుగా తెలుస్తోంది. తమ విచారణలో భాగంగా పలువురు సినీ ప్రముఖులు చాలానే పేర్లు చెప్పినా..అందరి మాటల్లోనూ ఇద్దరి ప్రస్తావన మాత్రం ఒకేలా వచ్చిందన్నట్లుగా సమాచారం.

ఆసక్తికరమైన విషయం ఏమిటంటే.. ఒక సినీ ప్రముఖుడైతే తన విచారణలో ఏకంగా 53 మంది డ్రగ్స్ వాడుతున్న వారి పేర్లు వెల్లడించినట్లుగా తెలుస్తోంది. తమ విచారణలో వెల్లడించిన వివరాలకు సంబంధించి దాదాపుగా 60 గంటల వీడియో ఫుటేజ్ను అధికారులు క్షుణ్ణంగా పరిశీలిస్తున్నట్లుగా తెలుస్తోంది. దీనికి సంబంధించిన ప్రక్రియ దాదాపు పూర్తి అయినట్లుగా చెబుతున్నారు.

సినీ ప్రముఖులంతా కామన్ గా చెప్పిన ఇద్దరు ప్రముఖులపైన పట్టుబిగించేలా చర్యలు తీసుకోనున్నట్లుగా తెలుస్తోంది. మత్తుమందులు రవాణా చేయటం.. వాడటం రెండూ నేరమేనని.. వాడుతున్న నిరూపణ అయితే అరెస్ట్ చేయటానికి అవకాశం ఉందన్న విషయాన్ని అధికారులు చెబుతున్నారు.

Comments