నేను ఎప్పటికీ భారతీయురాలినే : సానియా మీర్జా

నిన్న జమ్ము కశ్మీర్ లో ఎనిమిదేళ్ళ చిన్నారి ఆసిఫాపై అత్యాచారం చేసి హత్య చేసినట్లు వస్తున్న ఆరోపణలు దేశవ్యాప్తంగా సంచలనం రేపిన సంగతి తెలిసిందే. కథువాలో జరిగిన ఈ దారుణంపై లిఖితపూర్వకంగా న్యాయవాదులు ఫిర్యాదు సమర్పిస్తే విచారణకు సిద్ధమేనని ప్రకటించించింది. ఆసిఫాకు జరిగిన అన్యాయంపై పలువురు సెలబ్రిటీలతో పాటు సామాన్యులు కూడా తీవ్ర ఆవేదన వ్యక్తం చేస్తున్నారు. ఈ నేపథ్యంలో భారత టెన్నిస్ స్టార్ సానియా మీర్జా కూడా ఆ ఘటనపై స్పందించింది.

అయితే సానియా జాతీయతను ప్రశ్నిస్తూ ఆమె ట్వీట్ కు ఓ నెటిజన్ కామెంట్ పెట్టాడు. దీనికి సానియా కూడా ఘాటుగా బదులిచ్చింది. ప్రస్తుతం ఆ ట్వీట్ సోషల్ మీడియాలో వైరల్ అయింది. ప్రపంచానికి మనం నిజంగా ఇలాంటి దేశాన్ని చూపించాలనుకుంటున్నామా, కుల మత వర్ణ ప్రాంతాలకు అతీతంగా అందరం ఈ 8 ఏళ్ల బాలిక తరపున నిలబడాలి. లేకుంటే ప్రపంచంలో మరే విషయానికి అండగా నిలబడినట్లు కాదు. అది మానవత్వం అని కూడా అనిపించుకోదు. ఆ ఘటన నన్ను తీవ్రంగా కలిచివేస్తోంది అని సానియా ట్వీట్ చేసింది. దానికి ఓ వ్యక్తి ఆమె జాతీయతపై వివాదాస్పద వ్యాఖ్యలు చేశాడు. సానియా ట్వీట్ పై ఓ నెటిజన్ స్పందిస్తూ ఆమె జాతీయతను ప్రశ్నించాడు.ఆమె పాకిస్తాన్ వ్యక్తిని వివాహం చేసుకుందని పాక్ ఉగ్రమూకల చేతిలో బలవుతున్న అమాయకులపై కూడా ట్వీట్ చేయాలని కామెంట్ పెట్టాడు.

ఆ వ్యాఖ్యలకు సానియా ఘాటుగా రిప్లై ఇచ్చింది.‘‘ఓ వ్యక్తి ఏదేశం వ్యక్తినైనా పెళ్లి చేసుకోవచ్చు. నేను ఏ దేశస్తురాలినో నీలాంటి అథమ స్థాయి వ్యక్తులు చెప్పక్కర్లేదు. నేను భారత దేశం కోసమే ఆడతాను. నేను ఇప్పటికీ ఎప్పటికీ భారతీయురాలిగానే ఉంటాను. ఒకవేళ నువ్వు దేశం మతాలకు అతీతంగా ఆలోచించగలిగితే, ఒకనాటికి మానవత్వం వైపు కూడా నిలబడతావు’’ అంటూ సానియా బదులిచ్చింది….

Comments