ప్రచురణ తేదీ : Jan 16, 2018 7:13 PM IST

కొత్త సంవత్సరం మైండ్ బ్లోయింగ్ మొబైల్.. గెట్ రెడీ..!

పలానా స్మార్ట్ ఫోన్ అద్భుతంగా ఉంది అని భావించే లోపు మార్కెట్ లోని మరో కొత్త ప్రోడక్ట్ వచ్చి ఊరించేయడం ఇప్పట్లో సాధారణంగా మారిపోయింది. స్మార్ట్ ఫోన్ లలో మీడియం రేంజ్ ఉన్న మొబైల్ ఉత్పత్తులకే ఎక్కువ డిమాండ్ ఉంటుంది. ఈ మధ్య కాలంలో అద్భుతమైన ఫీచర్లతో వస్తున్న షియోమీ ఫోన్లు ఎక్కువగా వినియోగ దారులని ఆకర్షిస్తున్నాయి. కాగా కొత్త ఏడాది భారత మార్కెట్ పై హువై సంస్థ కన్నేసింది. ఈ సంస్థకు చెందిన మొబైల్ ప్రోడక్ట్ హానర్ 9 లైట్ జనవరి 17 నుంచి భారత మార్కెట్ లోకి సందడి చేయనుంది.

మధ్య తరగతి వారికి అందుబాటు ధరలో నాలుగు కెమెరాలతో ఏ స్మార్ట్ ఫోన్ లాంచ్ కానుంది. ప్రముఖ ఈ కామర్స్ సంస్థ ఫ్లిప్ కార్ట్ లో జనవరి 17 నుంచి దీని అమ్మకాలు మొదలవుతాయి. హానర్ 9 లైట్ రెండు వేరియంట్లలో లభించనుంది. 3 జిబి ర్యామ్, 32 జిబి రోమ్ వేరియంట్ మొబైల్ ధర సుమారు 12 వేల వరకు ఉండవచ్చు. ఇక 4 జిబి ర్యామ్ 32 జిబి రోమ్ వేరియంట్ ధర 15 వేల వరకు ఉండవచ్చు. హానర్ నుంచి నాలుగు కెమెరాలు కలిగిన ఫోన్ రావడం ఇది రెండవ సారి. ఊరిస్తున్న ఈ స్మార్ట్ ఫోన్ ఫీచర్ లు ఈ విధంగా ఉన్నాయి..

* 3జిబి, 4 జిబి ర్యామ్, 32 జిబి రోమ్

* ఫ్రంట్ కెమెరా 13 ఎంపీ మరియు 2 ఎంపీ

* రియర్ కెమెరా 13 ఎంపీ మరియు 2 ఎంపీ

* ఫుల్ హెచ్ డి డిస్ప్లే , 5.65 ఇంచెస్

* 3000 ఎం ఏ హెచ్ బ్యాటరీ, నిరంతరాయంగా 20 గంటలు 3జి లో మాట్లాడుకోవచ్చు.

* లేటెస్ట్ కిరిన్ 659 ఆక్టా కొర్ ప్రాసెసర్

Comments