ప్రచురణ తేదీ : Mon, Jan 30th, 2017

కొడుకుకు ప్రేమతో 3.60 కోట్ల కారు…!

car
తాడిపత్రి ఎమ్మెల్యే జేసీ ప్రభాకర్ రెడ్డి తన కుమారుడైన జేసీ అస్మిత్ రెడ్డికి 3.60 కోట్ల రూపాయల కారును ఆదివారం బహుమతిగా ఇచ్చారు. ఇటలీలో తయారైన ల్యంబోగిని మోడల్ కు చెందిన ఈ కారును అక్కడినుండి ముంబై వరకు నౌకలోనూ, అక్కడినుండి తాడిపత్రి వరకు కంటైనర్ లోనూ తెచ్చామని ప్రభాకర్ రెడ్డి చెప్పారు. ఇలాంటి కారు ఇప్పటివరకు ఆంధ్రప్రదేశ్ రాష్ట్రంలో లేదని కూడా ఆయన అంటున్నారు.

రెండు సీట్ల సామర్థ్యం ఉన్న ఈ కారు వేగం గంటకు 320 కిలోమీటర్లని, లీటర్ పెట్రోల్ కు మూడు కిలోమీటర్ల మైలేజ్ ఇస్తుందని ఆయన చెప్పారు. ఈ కారును నడపాలని తాను ఎప్పటినుండో అనుకుంటున్నట్టు ప్రభాకర్ రెడ్డి అన్నారు. అయితే ఇప్పుడు తనకు వయస్సు సహకరించిందని, తన కోరికను కొడుకు ద్వారా తీర్చుకుంటున్నానని ప్రభాకర్ రెడ్డి మురిసిపోయారు. ప్రభాకర్ రెడ్డి కొడుకు అస్మిత్ రెడ్డి ఆ కారులో తన కుటుంబ సభ్యులను ఎక్కించుకుని తిప్పారు.

Comments