వైరల్ వీడియో : సూపర్ హీరోలా వచ్చి మహిళకు మళ్ళీ ప్రాణం పోసాడు…

భూమి మీద నూకలు చెల్లకపోతే ఎన్ని ప్రయత్నాలు చేసిన ప్రాణం పోదు అన్న మాటకు నిదర్శనం ఇదే కావచ్చు. కొన్ని సందర్బాలలో మనుషులే సూపర్‌హీరోల్లా, సూపర్‌మెన్‌లా మారుతుంటారు. దేవుడే మనిషి రూపంలో వచ్చాడంటారు. ఇక్కడ ఓ సంఘటన ఇలాగే జరిగింది. ఓ పోలీస్ ఆఫీసరే దేవుడు, సూపర్ హీరో రూపంలో వచ్చి పైనుంచి గాల్లో దూకిన మహిళను గాల్లోనే పట్టుకొని కాపాడాడు. అయితే… ఈ ఘటనలో మహిళకు ఎటువంటి గాయాలు కాకున్నా… పోలీస్ మీద ఆ మహిళ పడటంతో ఆయనకు తీవ్రంగా గాయాలయ్యాయి. వెన్నముక ప్రాంతంలో చిన్న గాయాలు కాగా.. వెంటనే ఆ పోలీస్‌ను ఆసుపత్రికి తరలించారు. ఈ ఘటన చైనాలోని అక్సు ప్రిఫెక్షర్‌లో చోటు చేసుకున్నది. తన భర్తతో గొడవ జరగడంతో క్షణికావేశంలో ఆ మహిళ బిల్డింగ్ మీది నుంచి అకస్మాత్తుగా దూకేసింది. అదే సమయంలో అక్కడే ఉన్న పోలీసులు మ‌హిళ‌ బిల్డింగ్ మీది నుంచి దూకుతుండగా గమనించారు. ఓ పోలీస్ వెంటనే దూకుతున్న మహిళను తన రెండు చేతులతో పట్టుకున్నాడు. ఇక.. ఈ ఘటనకు సంబంధించిన వీడియో సోషల్ మీడియాలో వైరల్‌గా మారడంతో నెటిజన్లు పోలీస్‌ను సూపర్‌హీరోగా కీర్తిస్తూ కామెంట్లు చేస్తున్నారు.

Comments