ప్రచురణ తేదీ : Tue, Apr 10th, 2018

హత్య కేసులో బీజేపీ ఎమ్మెల్యే అరెస్టు…

మహారాష్ట్రలో ఇద్దరు శివసేన నేతల హత్య కేసులో బీజేపీ ఎమ్మెల్యే శివాజీ కర్డిలేను ఇవాళ అహ్మాద్‌నగర్ పోలీసులు అరెస్టు చేశారు. ఇటీవల శివసేనకు చెందిన సంజయ్ కొతార్, వసంత్ థూబేలు హత్యకు గురయ్యారు. అయితే ఈ కేసులో రాహురి అసెంబ్లీ నియోజకవర్గ ఎమ్మెల్యేను అరెస్టు చేశారు. తనకు ఆ హత్యలతో ఎలాంటి సంబంధంలేదని, కానీ తనంతట తానే పోలీసులు ముందు లొంగిపోయినట్లు ఆ ఎమ్మెల్యే చెప్పారు. సంబంధం లేనప్పుడు ఎందుకు లోన్గిపోయావు అంటే మాత్రం ఎలాంటి సమాధానం చెప్పడం లేదు ఈ ఎమ్మెల్యే.

బీజేపీ ఎమ్మెల్యే శివాజీతో పాటు హత్యకు సంబంధం ఉన్న మరో 53 మంది పరారీలో ఉన్నట్లు ఆదివారం అహ్మాద్‌నగర్ పోలీసులు ఓ నోటీసు జారీ చేశారు. ఈ నేపథ్యంలో ఎన్‌సీపీ ఎమ్మెల్సీ అరుణ్ జగ్‌తప్‌తో పాటు మరో 30 మంది కలిసి ఈ హత్యకు కుట్ర పన్నినట్లు ఆరోపణలు ఉన్నాయి. ఆ కుట్రలో బీజేపీ ఎమ్మెల్యే పాత్ర కూడా ఉన్నట్లు తెలుస్తోంది. తనకు ఆ హత్యలతో లింకు లేదని, అనవసరంగా తనను వేధిస్తున్నారని, ఇంట్లో వాళ్లు భయపడుతున్న నేపథ్యంలో తాను పోలీసులు ముందు లొంగిపోయినట్లు బీజేపీ ఎమ్మెల్యే తెలిపారు.

Comments