బ్రేకింగ్ న్యూస్ : ఇంట్లోకి దూసుకెళ్లిన విమానం

ఇటీవల విమాన ప్రమాదాలు ఊహించని విధంగా జరుగుతున్నాయి. ఆకాశంలోకి రివ్వున దూసుకెళ్లే విమానాలు హఠాత్తుగా మన ఇళ్లలోకి దూసుకొస్తే ఇంకేమైనా ఉందా. ఇదిగో ఇటువంటి ఘటనే ఫిలిప్పీన్స్ లో నిన్న జరిగింది. ఆ విమాన ప్రమాదం అక్కడి ప్రజలను భయబ్రాంతులకు గురి చేసింది. ఫిలిప్పీన్స్‌లో ఓ విమానం టేకాఫ్‌ అయిన కొద్దిసేపటికే ఓ ఇంట్లోకి దూసుకుపోయింది.

శనివారం పీపర్‌–23 అపాచీ విమానం బులాకన్‌ ప్రావిన్స్‌లోని ప్లారిడెల్‌ పట్టణంలో విమానాశ్రయం నుంచి బయలుదేరిన కొద్దిసేపటికే ఇంటిని ఢీకొంది. దీంతో విమానం పేలి, ఒక్కసారిగా మంటలు వ్యాపించాయి. ఆరుగురు ప్రయాణించే ఈ విమానంలో ప్రమాద సమయంలో ఐదుగురు ఉన్నారు. వీరితోపాటు మరో ఐదుగురు అక్కడికక్కడే మృతిచెందగా, మరో ఇద్దరు గాయపడ్డారు. ప్రమాదానికి కారణాలు ఇంకా తెలియరాలేదని అధికారులు వివరించారు. ఇంట్లోకి దూసుకెళ్లడానికి ముందు చెట్టును, విద్యుత్‌ స్తంభాన్ని విమానం ఢీకొట్టిందని ప్రత్యక్షసాక్షులు ఒకరు తెలిపారు.

Comments